Forum członków i sympatyków towarzystwa Pro Loquela Silesiana

Ojgyn z Pnioków · Wysłany: 2009-05-15, 15:56 **Co to na isto jes sukcys ...**

To idzie blank ajnfach wyeklerować. Dejcie pozór!

– Dlô śpikola trzi lata starego sukcysym jes niy naprać już do galot!
– Dlô dzieciôka dwanôście lôt starego sukcysym jes mieć mocka przocieli.
– Dlô modzioka łoziymnôście lôt starego sukcysym jes mieć już „prawo jazdy”.
– Dlô modzioka dwadzieścia lôt starego sukcysym jes swadźbiynie, porzynie sie (uprawianie seksu).
– Dlô cowieka kajsik kole trzidziyści piyńć lôt starego sukcysym jes mieć już moc pijyndzy.

I sztrichujymy ringa naobkoło ...

– Dlô cowieka piyńćdziesiónt lôt starego sukcysym jes ... jesce mieć pijóndze.
– Dlô knakra szejśćdziesiónt lôt starego sukcysym jes jesce swadźbiynie, porzynie sie (uprawianie seksu).
– Dlô starego purta siedymdziesiónt lôt starego sukcysym jes mieć jesce „prawo jazdy”.
– Dlô starzika siedymdziesiónt piyńć lôt starego sukcysym jes mieć jesce (żywych) przocieli.
– Dlô zwiykowanygo cowieka łoziymdziesiónt lôt starego sukcysym jes ... niy naprać do galot!

I tak ci nasze życie zakryńcióło kółecko, prôwda?